استخدام الواقي الذكري بشكل صحيح ومنتظم يمنع الاصابة من HIV/AIDS وأغلبية الإلتهابات المنتقلة جنسياً.
استخدام 2 واقي مع بعض ما بزيد الحماية بس بزيد احتمال تمزق الواقي
استعمل الواقي خلال كل أنواع الجنس بما فيه الجنس الفموي لتجنب الإلتهبات المنتقلة جنسياً بما فيها السيلان، الكلاميديا و الهربس. إذا ما فيك تلتزم باستعمال الواقي خلال الجنس الفموي، تجنب تنظيف أسنانك، التمخمض بالكحول أو ابتلاع سائل القذف. وإذا لاحظت إنو الشريك عندو عوارض مثل الحكاك، التقرحات أو الثآليل في منطقة الأعضاء الجنسية، امتنع عن ممارسة الجنس.
لا تستعمل فوق الواقي أي مواد مرطّبة أو مليّنة أساسها زيوت لأنها تسبب بتمزق الواقي.
ما تحط الواقي الذكري بمطرح حار مثل السيارة أو الجيب الخلفي للبنطلون وما تعرضو لأشعة الشمس المباشرة لأنو الحرارة بتنزعو .
مثل أي منتج بتشتري, تأكد من انو صلاحية الواقي سارية المفعول قبل استعماله.
في بعض الأشخاص بيعتقدوا إنوا إستخدام الواقي بقلّل من المتعة الجنسية. بس دايماً في طرق تضمن فيا اللذة بالعلاقة الجنسية.
الواقي دايما سعروا أرخص من كلفة التقاط أي الإلتهاب منقول جنسياً.
ما تعتمد على حبوب منع الحمل لحمايتك من الإلتهابات المنقولة جنسيا، تذكر إنو بس الواقي بيحميك.
دايما فيك تختار ما تستعمل الواقي لكن اتأكد انو إنت والشريك ما عندكن أي إلتهابات بتنتقل جنسياً. وتذكر إنو أغلبية الإلتهابات المنقولة جنسياً إلا عوارض. بحال شفت أي منها مثل التقرحات أو الثآليل في منطقة الأعضاء الجنسية، امتنع عن ممارسة الجنس. حتى تتأكد فيك تعمل فحوصاتHIV/AIDS و التهاب الكبد ب و ج والزهري عنا بعيادة الصحة الجنسية.
خصائص الواقي الفعال:
مصنوعا من مادة اللاتكس (Latex)
مدة صلاحيته سارية المفعول
المادة الملينة أساسها ماء
مفحوصا الكترونيا أوعليه علامة (ET)
أعذار غير مبررّة لعدم استخدام الواقي
“ما معي واقي”
“الشريك شكلو محترم”
“الواقي كتير ضيق ومش مريح”
“ما بعرف كيف حطو”
“بستحي روح اشتري واقي”
“بخاف اسأل الشريك يستعمل واقي”
إذا شاكك بوضعك بسبب أي سلوك عرّضك لإحتمال الإصابة، لتطمن بالك إفحص حالك! زور مركزنا واعمل الفحص السريع
SIDC